Balyq aýlaǵa shyqqan eki jigitti Qapshaǵai sý elektr stansasynyń qurylys aýmaǵyna qarai aǵyzyp áketken, dep habarlaidy QazAqparat.
Almaty oblystyq Tótenshe jaǵdailar departamentiniń málimetinshe, 19 qyrkúiek kúni saǵat 14:50 shamasynda Qapshaǵai sý qoimasyna balyq aýlaýǵa rezeńke qaiyqpen attanǵan 2001 jáne 2002 jyly týǵan eki azamatty sý aǵyny Qapshaǵai SES qurylysy jaǵyna alyp ketken.
«Oqiǵa ornyna TJD jedel-qutqarý jasaǵynyń qutqarýshylary motorly qaiyqpen jiberildi. Oqiǵa ornyna kelgen boida, qaiyq Qapshaǵai SES bógetine qatty aǵyspen kelip, ol jerden balalar óz betinshe shyǵa almaǵany anyqtaldy. Olar bógettiń qurylysyna kóterilip, kómek kútken», - dep habarlady vedomstvadan.
Eki jas jigitti qutqarýshylar jaǵaǵa jetkizip, olarǵa sýdaǵy qaýipsiz júris-turys erejelerin túsindirý boiynsha profilaktikalyq jumys júrgizdi.
