Almaty oblysy ákiminiń ókimimen Talǵat Qanatuly Qainarbekov Sarqan aýdanynyń ákimi bolyp taǵaiyndaldy, - dep habarlaidy "Ult aqparat".
Talǵat Qainarbekov 1969 jyly týǵan. Abai atyndaǵy Almaty memlekettik ýniversitetin tarih jáne qosymsha memlekettik quqyq pániniń oqytýshysy, I. Jansúgirov atyndaǵy Jetisý memlekettik ýniversitetin ekonomist, Qazaqstan Respýblikasy Prezidentiniń janyndaǵy Memlekettik basqarý akademiiasyn memlekettik jáne jergilikti basqarý magistri mamandyqtary boiynsha bitirgen.
Eńbek jolyn Sarqan aýdany Kókózek orta mektebinde muǵalim bolyp bastady.
Ár jyldarda Sarqan aýdany Qarǵaly orta mektebinde tarih jáne memlekettik quqyq pániniń muǵalimi, Almaty qalasynda «Eldorado» JShS menedjeri, Taldyqorǵan qalasy ákimi apparaty ónerkásip, kólik jáne bailanys bóliminiń bastyǵy, Kóksý aýdany ákiminiń orynbasary, Taldyqorǵan qalasy ákiminiń orynbasary, Tekeli qalasynyń ákimi boldy.
2016 jyldyń qarashasynan 2020 jyldyń mamyr aiynyń 25-i kúnine deiin Qapshaǵai qalasynyń ákimi qyzmetin atqardy.
Al Qapshaǵai qalasyna 2016 jyldyń aqpanynan osy ýaqytqa deiin Ile aýdany əkiminiń orynbasary qyzmetin atqarǵan Nurlan Qumataev ákim bolyp taǵaiyndaldy.
Aita keteiik, Almaty oblysy ákiminiń ókimimen Marat Melisuly Razbekov óz ótinishi boiynsha Sarqan aýdanynyń ákimi laýazymynan bosatyldy.
