Almaty oblysy əkiminiń ókimimen Nurlan Orynbasaruly Qumataev Qapshaǵai qalasynyń əkimi bolyp taǵaiyndaldy, - dep habarlaidy "Ult aqparat".
Nurlan Qumataev 1970 jyly týǵan. Almaty memlekettik meditsina institýtyn stomatolog dəriger, Qazaq memlekettik zań akademiiasyn zańger, Shet tilder jəne iskerlik karerasy ýniversitetin ekonomika bakalavry mamandyqtary boiynsha bitirgen.
Eńbek jolyn Almaty qalasyndaǵy №4 stomatologiialyq emhanasynyń stomatolog dərigeri bolyp bastaǵan. Ər jyldarda Ile aýdany Jetigen aýyldyq okrýgi əkiminiń orynbasary, Ile aýdany əkimi apparaty Turǵyn úi-kommýnaldyq sharýashylyǵy bóliminiń bas mamany, Ile aýdany Baiserke aýyldyq okrýgi əkiminiń orynbasary, Ile aýdany əkimi apparaty Shaǵyn jəne orta biznes, Jumyspen qamtý jəne əleýmettik baǵdarlamalar bólimderiniń bastyǵy boldy.
2016 jyldyń aqpanynan osy ýaqytqa deiin Ile aýdany əkiminiń orynbasary qyzmetin atqardy.
Aita keteiik, Almaty oblysy əkiminiń ókimimen Talǵat Qanatuly Qainarbekov basqa jumysqa aýysýyna bailanysty Qapshaǵai qalasynyń əkimi laýazymynan bosatyldy.
