QR Bas memlekettik sanitarlyq dárigeri, Qoǵamdyq densaýlyq saqtaý komitetiniń tóraǵasy Jandarbek Bekshin tumaý boiynsha eldegi epidemiialyq jaǵdaidy baiandady, dep habarlaidy QazAqparat tilshisi.
«Búginde Qazaqstanda zerthanalyq túrde rastalǵan tumaýdyń 44 jaǵdaiy tirkelip otyr. Ásirese, Astana men Almaty qalalarynda jii kezdesedi. Árine, bul qalalarda halyq kóp, aýrýdyń taralýy qaýpi joǵary. Qazir jedel respiratorlyq aýrýlar tirkelip jatyr. Ótken jylmen salystyrǵanda biylǵy aýrýlar kórsetkishi 8%-ke tómen», - dedi Jandarbek Bekshin Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, alys-jaqyn shetelge saiahattaityn turǵyndar da eldegi tumaýdyń taralýyna yqpal etedi.
«Qańtar aiynyń ortasynda tumaý men JRVI-diń (jedel respiratorlyq virýstyq infektsiia) údeitin kezi dep boljap otyrmyz. Sebebi jańa jyldyq demalysta halyq alys-jaqyn shetelge baryp, neshe túrli virýstardy ákeledi. Turmaý men JRVI aýa tamshylary arqyly taralady jáne olar úshin shekara joq. Eleýsiz bolyp keledi de, ormandaǵy órt sekildi birden taraidy. Sondyqtan, aýrý belgisi baiqalǵan turǵyndardyń betperde kiiýin, adam kóp jinalatyn oryndarǵa barmaýyn suraimyz», - dedi bas sanitarlyq dáriger.
