Qańtardan bastap balabaqsha tárbishileriniń jalaqysy 25 paiyzǵa ósedi. Bul týraly oqý-aǵartý ministri Ashat Aimaǵambetov Túrkistan oblysynyń turǵyndarymen kezdesýde aitty, dep habarlaidy QazAqparat.
Ministr jaqyn arada memlekettik tapsyrys alyp otyrǵan balabaqshalarǵa talap kúsheietinin málim etti. Iaǵni, sanitarlyq jáne órtke qarsy talaptardy saqtaý, beinebaqylaýdyń bolýy, balalarmen jumys isteitin mamandardyń bilimdi, bilikti bolýy shart. Sondai-aq, qyzmetkerlerdiń tiptik shtattardaǵy statýsqa sáikes bolýy qajet.
«Keibir faktilerdi qarap analiz jasaityn bolsaq, kei balabaqshalar 40-50 balany bir topqa jinap qoiyp jumys isteidi eken. Ol qandai myqty tárbieshi bolsa da, 5-6 kúnnen keiin qiyn jaǵdaiǵa ushyraidy. Al, memlekettik balabaqshalarda túske deiin bir, tústen keiin bir tárbieshi bar. Toptardaǵy bala sany 25 – ten aspaidy. Bul bostan bosqa jasalmaǵan. Mine, osyndai qajetti, mańyzdy, ǵylymmen dáleldengen sheshimderdi qabyldap, engizemiz» - dedi ministr.
Sondai-aq, Aimaǵambetov qańtar aiynan bastap balabaqsha tárbieshileriniń jalaqysy 25 paiyzǵa ósetinin aitty.
«Jalaqy boiynsha qosymsha máselelerdi qarastyryp jatyrmyz. Zertteýler balabaqshada balalardyń bolashaǵy qalyptasatyndyǵyn kórsetip otyr. Sondyqtan balabaqshadan bastap sapaly bilim, sapaly tárbie bersek, mektepte de, kolledjde de jaqsy kórsetkishke qol jetkizedi» - dedi ministr.
