قاڭتاردان باستاپ بالاباقشا تەربيشٸلەرٸنٸڭ جالاقىسى 25 پايىزعا ٶسەدٸ. بۇل تۋرالى وقۋ-اعارتۋ مينيسترٸ اسحات ايماعامبەتوۆ تٷركٸستان وبلىسىنىڭ تۇرعىندارىمەن كەزدەسۋدە ايتتى, دەپ حابارلايدى قازاقپارات.
مينيستر جاقىن ارادا مەملەكەتتٸك تاپسىرىس الىپ وتىرعان بالاباقشالارعا تالاپ كٷشەيەتٸنٸن مەلٸم ەتتٸ. ياعني, سانيتارلىق جەنە ٶرتكە قارسى تالاپتاردى ساقتاۋ, بەينەباقىلاۋدىڭ بولۋى, بالالارمەن جۇمىس ٸستەيتٸن مامانداردىڭ بٸلٸمدٸ, بٸلٸكتٸ بولۋى شارت. سونداي-اق, قىزمەتكەرلەردٸڭ تيپتٸك شتاتتارداعى ستاتۋسقا سەيكەس بولۋى قاجەت.
«كەيبٸر فاكتٸلەردٸ قاراپ اناليز جاسايتىن بولساق, كەي بالاباقشالار 40-50 بالانى بٸر توپقا جيناپ قويىپ جۇمىس ٸستەيدٸ ەكەن. ول قانداي مىقتى تەربيەشٸ بولسا دا, 5-6 كٷننەن كەيٸن قيىن جاعدايعا ۇشىرايدى. ال, مەملەكەتتٸك بالاباقشالاردا تٷسكە دەيٸن بٸر, تٷستەن كەيٸن بٸر تەربيەشٸ بار. توپتارداعى بالا سانى 25 – تەن اسپايدى. بۇل بوستان بوسقا جاسالماعان. مٸنە, وسىنداي قاجەتتٸ, ماڭىزدى, عىلىممەن دەلەلدەنگەن شەشٸمدەردٸ قابىلداپ, ەنگٸزەمٸز» - دەدٸ مينيستر.
سونداي-اق, ايماعامبەتوۆ قاڭتار ايىنان باستاپ بالاباقشا تەربيەشٸلەرٸنٸڭ جالاقىسى 25 پايىزعا ٶسەتٸنٸن ايتتى.
«جالاقى بويىنشا قوسىمشا مەسەلەلەردٸ قاراستىرىپ جاتىرمىز. زەرتتەۋلەر بالاباقشادا بالالاردىڭ بولاشاعى قالىپتاساتىندىعىن كٶرسەتٸپ وتىر. سوندىقتان بالاباقشادان باستاپ ساپالى بٸلٸم, ساپالى تەربيە بەرسەك, مەكتەپتە دە, كوللەدجدە دە جاقسى كٶرسەتكٸشكە قول جەتكٸزەدٸ» - دەدٸ مينيستر.
