Arnaiy prokýrorlar jappai tártipsizdikterge 12 uiymdasqan qylmystyq toptyń qatysqanyn anyqtady, dep habarlaidy QazAqparat.
Bul týraly Bas prokýratýranyń 1 qyzmet bastyǵynyń orynbasary Eldos Qilymjanov ortalyq kommýnikatsiialar qyzmetinde ótken brifingide málimdedi.
«12 uiymdasqan qylmystyq toptyń ishinde eń belsendileri – «Dikii Armannyń» toby, «Qazaqstandyqtar» jáne «Aishýaq-Jantúgel» toptary boldy. Uiymdasqan qylmystyq toptyń 23 múshesi qamaýǵa alyndy», - dedi Bas prokýratýra ókili.
Sondai-aq, ol ustalǵandar arasynda qylmys áleminiń 4 bedeldi tulǵasy bar ekenin atap ótti.
«Onyń ishinde 4 qylmys avtoriteti bar. Bul qylmystardy uiymdastyrýshylar men qatysýshylardy anyqtap, jaýapqa tartý úshin barlyq qajetti sharalar qabyldanýda. Búgingi tańda jappai tártipsizdikti uiymdastyrý jáne qatysý boiynsha 547 adam kúdikti retinde tanylyp, onyń 269-y qamaýǵa alyndy», - dedi Eldos Qilymjanov.
