Jelide qańtardaǵy oqiǵa kezinde tártipsizdikke qatysýshylardyń jedel járdem jáne órt sóndirý kólikterine shabýyldaǵan videosy paida boldy, dep habarlaidy QazAqparat.
Kadrdan qoldaryna taiaq ustaǵan adamdardyń órt sóndirý kóliginiń terezesin syndyryp, onyń jolyna tosqaýyl qoiyp jatqany jáne júrgizýshini shyǵaryp almaq bolǵan sátin kórýge bolady. Dál sondai jaǵdai jedel járdem kóligimen bolǵan.
Buǵan deiin jelide Almatyda politseiler men áskerilerge shabýyldaǵan jańa video taraǵan bolatyn.
Eske salaiyq, 1 qańtarda Mańǵystaý oblysy Jańaózen qalasynda saǵat 17:20-da qala ákimdiginiń aldynda turǵyndar jinaldy. Olar el basshylyǵyna videoúndeý jasap, suiyltylǵan gaz baǵasyn túsirýdi surady. Sol kúni saǵat 18:00-de adamdar tarady.
Sodan keiin 2 qańtarda narazylyq bildirýshiler sany júzdegen adamǵa artty, al aktsiiaǵa qatysýshylar ishki joldy japty. Quqyq qorǵaý organdary kúsh qoldanǵan joq.
3 qańtardan bastap narazylyq bildirýshiler basqa qalalarda jáne óńirlerde shyǵa bastady. Sol kúni Mańǵystaý oblysynyń turǵyndaryn qoldaý maqsatynda basqa jeti óńirde - Atyraý, Aqtóbe oblystary, Nur-Sultan, Almaty qalalary, BQO, Almaty oblysy men ShQO-da «beibit» mitingter bastaldy.
4 qańtarda mitingter jalǵasty, al óńirler sany 11-ge jetti. Qatysýshylar sany 37 myń adamǵa deiin ósti. Almaty men Shymkentte qarýly shabýyldar jasaldy.
