QR Memlekettik hatshysy Qyrymbek Kósherbaev Ál-Farabidiń 1150 jyldyq mereitoiyn bastaýdyń resmi rásimi 2020 jyldyń qańtarynda ótetindigin aitty, dep habarlaidy "Ult aqparat".
«Biz Ál-Farabidiń 1150 jyldyq mereitoiyn atap ótý arqyly kúlli túrki dúniesiniń kieli mekeni Uly dalada, kóne qazaq jerinde órkeniettiń saltanat qurǵanyn álemge taratatyn bolamyz, Táýelsiz elimizdi, halqymyzdy nasihattaimyz. Sondyqtan Memleket basshysynyń tapsyrmasyna orai Ál-Farabi mereitoiyn negizinen ǵylymi, intellektýaldyq baǵytta atap ótip, jyl boiynda halyqaralyq, respýblikalyq jáne óńirlik aýqymda taqyryptyq arnaiy jobalar, ǵylymi-aǵartýshylyq jáne mádeni-buqaralyq is-sharalar ótkizilýi tiis. Olardyń intellektýaldyq deńgeiine erekshe nazar bólinsin», - dedi ol Ábý Nasyr Ál-Farabidiń 1150 jyldyq mereitoiyn daiyndaý jáne ótkizý jónindegi memlekettik komissiia otyrysynda.
Onyń aitýynsha, mereitoidy atap ótýdiń respýblikalyq josparynyń jobasy ázirlengen. Onda respýblikalyq jáne óńirlik deńgeide ótetin 50-den astam is-shara kózdelgen. Olardyń qatarynda halyqtyq barlyq býynyn qamtityn arnaiy jobalar, ǵylymi taldaý, qoǵamdyq mańyzdy jáne mádeni-buqaralyq is-sharalar bar.
«Ál-Farabidiń 1150 jyldyq mereitoiyn bastaýdyń resmi rásimin 2020 jyldyń 10 qańtarda Ál-Farabi atyndaǵy Qazaq ulttyq ýniversitetindegi «Ál-Farabi» ortalyǵynyń halyqaralyq tusaýkeserimen qosa ótkizý usynylyp otyr», - dedi Q.Kósherbaev.
