Bas prokýratýra protsessýaldyq is júrgizý kezinde kúsh qoldaný faktileri boiynsha júrgiziletin tekserýlerdiń nátijesin apta saiyn jariialap turady. Adam quqyqtary jónindegi ýákil Elvira Ázimova quzyrly organmen osyndai kelisimge kelgenin aitty, dep habarlaidy QazAqparat.
«25 qańtarda Bas prokýratýra ókilderi prokýratýra organdaryna quqyq qorǵaý organdarynyń tergeý barysynda zańsyz tergep-tekserý ádisteri men azamattardyń quqyqtaryn buzýyna qatysty 109 aryz-shaǵym túskenin habarlady. Tekserý nátijesinde 21 qylmystyq is qozǵaldy. Onyń ishinde tek bireýin arnaiy prokýrorlar, qalǵan 20-syn sybailas jemqorlyqqa qarsy qyzmetkerler tergep jatyr. Aryzdanýshylardy qaita jábirleýge jol bermeý úshin barynsha sharalar qabyldaý qajet. Qylmystyq isterdiń biri meniń atyma kelip túsken aryzdardyń negizinde Qylmystyq kodekstiń 145-baby boiynsha qozǵalǵan», - dedi ol «Habar-24» telearnasynda ótken brifingide.
Sondai-aq, Elvira Ázimova protsessýaldyq is júrgizý barysynda kúsh qoldaný faktileri týraly basqa shaǵymdar da tekseriletinin jetkizdi.
«Bas prokýratýramen olardyń nátijelerin apta saiyn jariialap turý týraly kelisimge keldik», -dedi Adam quqyqtary jónindegi ýákil.
