Qańtar oqiǵasynda aýyr jaraqat alǵan politsei memlekettik syilyqqa ie boldy, – dep habarlaidy "Ult aqparat" Polisia.kz portalyna silteme jasap.
Qazaqstan Respýblikasy Prezidentiniń Jarlyǵymen óziniń qyzmettik mindetterin minsiz atqarǵany, sondai-aq qalada zańdylyq pen quqyqtyq tártipti qamtamasyz etýge qosqan úlesi úshin Almaty qalasy Áýezov aýdandyq PB-nyń ýchaskelik inspektory Ǵaziz Nurǵalymov 2-dárejeli “Aibyn” medalimen marapattaldy.
Tártip saqshysyna memlekettik syilyqty Almaty qalasy Politsiia departamentiniń bastyǵy Arystanǵani Zapparov tabys etti.
– Birinshiden, sizderge, Ǵazizdiń ata-anasyna, laiyqty ul tárbielegenderińiz úshin barsha ujym atynan myń alǵys. Men búgin Ishki ister ministri Marat Ahmetjanovtyń tapsyrmasymen memlekettik syilyqty tabystaý úshin arnaiy missiiamen keldim. Ǵazizdiń tezirek saýyǵyp ketýin tileimiz. Biz aldaǵy ýaqytta da qoldaý men kómek kórsetýge daiynbyz, – dedi Almaty politsiiasynyń basshysy.
Eske salaiyq, aǵa leitenant Nurǵalymov biyl qańtar aiyndaǵy jappai tártipsizdikterdi basý kezinde aýyr jaraqat alǵan bolatyn. Júzdegen ashýly demonstranttyń shabýyly men soqqysynyń nátijesinde Ǵazizdiń eki búiregi de isten shyqqan. Qazir ol gemodializden ótip, ota jasatýǵa daiyndalyp jatyr.
