قاڭتار وقيعاسىندا اۋىر جاراقات العان پوليتسەي مەملەكەتتٸك سىيلىققا يە بولدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
قازاقستان رەسپۋبليكاسى پرەزيدەنتٸنٸڭ جارلىعىمەن ٶزٸنٸڭ قىزمەتتٸك مٸندەتتەرٸن مٸنسٸز اتقارعانى, سونداي-اق قالادا زاڭدىلىق پەن قۇقىقتىق تەرتٸپتٸ قامتاماسىز ەتۋگە قوسقان ٷلەسٸ ٷشٸن الماتى قالاسى ەۋەزوۆ اۋداندىق پب-نىڭ ۋچاسكەلٸك ينسپەكتورى عازيز نۇرعالىموۆ 2-دەرەجەلٸ “ايبىن” مەدالٸمەن ماراپاتتالدى.
تەرتٸپ ساقشىسىنا مەملەكەتتٸك سىيلىقتى الماتى قالاسى پوليتسييا دەپارتامەنتٸنٸڭ باستىعى ارىستانعاني زاپپاروۆ تابىس ەتتٸ.
– بٸرٸنشٸدەن, سٸزدەرگە, عازيزدٸڭ اتا-اناسىنا, لايىقتى ۇل تەربيەلەگەندەرٸڭٸز ٷشٸن بارشا ۇجىم اتىنان مىڭ العىس. مەن بٷگٸن ٸشكٸ ٸستەر مينيسترٸ مارات احمەتجانوۆتىڭ تاپسىرماسىمەن مەملەكەتتٸك سىيلىقتى تابىستاۋ ٷشٸن ارنايى ميسسييامەن كەلدٸم. عازيزدٸڭ تەزٸرەك ساۋىعىپ كەتۋٸن تٸلەيمٸز. بٸز الداعى ۋاقىتتا دا قولداۋ مەن كٶمەك كٶرسەتۋگە دايىنبىز, – دەدٸ الماتى پوليتسيياسىنىڭ باسشىسى.
ەسكە سالايىق, اعا لەيتەنانت نۇرعالىموۆ بيىل قاڭتار ايىنداعى جاپپاي تەرتٸپسٸزدٸكتەردٸ باسۋ كەزٸندە اۋىر جاراقات العان بولاتىن. جٷزدەگەن اشۋلى دەمونسترانتتىڭ شابۋىلى مەن سوققىسىنىڭ نەتيجەسٸندە عازيزدٸڭ ەكٸ بٷيرەگٸ دە ٸستەن شىققان. قازٸر ول گەمودياليزدەن ٶتٸپ, وتا جاساتۋعا دايىندالىپ جاتىر.
