Ulttyq qaýipsizdik komiteti 2022 jyldyń maýsym-shilde ailarynda politsiia organdarymen birge zańsyz ainalymnan, onyń ishinde Qańtar oqiǵasynda qoldy bolǵan qarý-jaraqtardy anyqtaý jáne tárkileý boiynsha birqatar jedel-izdestirý sharalaryn júrgizdi, dep habarlaidy QazAqparat vedomstvonyń baspasóz qyzmetine silteme jasap.
Shymkent jáne Taraz qalalarynda qylmystyq toptar qolǵa túsip, olardan 3 tapansha, 2 dana oiyq uńǵyly «Saiga» karabini, 2 myltyq, pnevmatikalyq tapansha, vintovka, sondai-aq 64 dana oq-dári tárkilendi.
Shymkent qalasynda Almatydaǵy «Kamerad» ańshylyq dúkenin tonaýǵa qatysy bar turǵyndar ustaldy. Olardyń turǵylyqty jerinen 2 dana oiyq uńǵyly «Saiga-12S» karabini, pnevmatikalyq qarý jáne 71 dana oq-dári tabyldy.
Oǵan qosa, qala mańynan «Kalashnikov» avtomaty, 2 tapansha, ańshy myltyǵy, «F-1» granatasy, jarylǵysh qurylǵylarǵa arnalǵan 8 detonator jáne 43 dana oq-dári jasyrylǵan jer anyqtaldy.
Taraz qalasynda 2 «Kalashnikov» avtomaty, 10 tapansha, «SHTURM» shabýyl vintovkasy, 3 tegis uńǵyly myltyq, granata jáne 476 dana oq-dári jasyrylǵan jerler tabyldy.
Almaty oblysynda jasyryn jerden «Kalashnikov» avtomaty, 4 tapansha, 8 tegis uńǵyly myltyq, «sholaq myltyq», 12 granata, 464 dana oq-dári jáne optikalaq kózdeý quraly tabyldy.
Talǵar aýdanynyń turǵyndary 2 «Kalashnikov» avtomatyn, tegis uńǵyly myltyq, «F-1» granatasyn jáne 180 dana oq-dárini zańsyz saqtaǵandary úshin ustaldy.
Ońtústik astanamyzdaǵy jasyryn orynnan 2 «Kalashnikov» avtomaty, 2 vinchester, 5 tapansha, 5 tegis uńǵyly myltyq, «sholaq myltyq», 20 granata jáne 212 oq-dári alyndy.
Shyǵys-Qazaqstan oblysyndaǵy jasyryn jerden «TOZ» markaly ańshy myltyǵy, 2 «sholaq myltyq» jáne 13 dana oq-dári alyndy.
Aqtóbe oblysy turǵynynyń jeke avtokóligin tekserý kezinde ańshy myltyǵy men 6 oq tabylyp, tárkilendi.
Qyzylorda oblysy turǵynynan Almatydaǵy «Kamerad» ańshylyq dúkeninen urlanǵan «Derya» MK-10 vintovkasy alyndy.
Túrkistan oblysynda revolver, tegis uńǵyly myltyq jáne granata alyndy.
Zańsyz ainalymnan barlyǵy 68 birlik qarý, 36 granata, 8 jarylǵysh qurylǵy, 1 529 dana oq-dári alyndy.
Atalǵan faktiler boiynsha sotqa deiingi tergeý júrgizilýde.
Zańsyz ainalymdaǵy qarý-jaraqtardy izdestirý jáne alý boiynsha sharalar jalǵasýda.
