107 kúdiktige qatysty qylmystyq ister aiyptaý aktilerimen aiaqtaldy. Bul týraly IIM tergeý departamentiniń bastyǵy Sanjar Ádilov aitty, dep habarlaidy QazAqparat tilshisi.
«Ishki ister organdary tergeýshileri tarapynan qańtar oqiǵalary boiynsha 107 kúdiktige qatysty (88 qylmystyq is) qylmystyq ister aiyptaý aktilerimen aiaqtaldy. Bul isterdiń de negizgi bóligin urlyqtar - 65, qarýdy zańsyz saqtaý faktileri – 11, olardy urlaý – 7 jáne ózge de qylmystar quraidy», - dedi S. Ádilov Ortalyq kommýnikatsiialar qyzmetinde.
Onyń aitýynsha, sotqa 86 aiyptalýshy berildi.
«Búgin elimizde sottar jeke basyn jáne jasaǵan qylmys aýyrlyǵyn eskere otyryp, 52 adamdy sottady. Olardyń 39-y bas bostandyǵyn shekteýge, 13-i bas bostandyǵynan aiyrýǵa, al 2 adamǵa qatysty taraptar tatýlasýyna bailanysty toqtatyldy», - dedi S. Ádilov.
