Foto:abai.kz
2022 jyldyń 2 qańtarynda suiytylǵan gaz baǵasynyń kenetten kóterilýine bailanysty Jańaózende halyq jappai narazylyqqa shyqty. Jańaózendegi narazylyqqa qoldaý kórsetý úshin Qazaqstannyń basqa aimaqtarynda halyq kóshege shyǵa bastady. Bilik ókilderi "Mańǵystaý oblysynda suiytylǵan gaz baǵasy burynǵy baǵasynda qalatyn boldy" dese de, biraq narazylyq basylmady. Halyq eldegi qymbatshylyq máselesin aityp, biliktiń ostavkasyn talap etti.
Oqiǵalar Qazaqstannyń birneshe aimaqtarynda, sonyń ishinde Almaty, Nur-Sultan (qazirgi Astana), Shymkent, Semei jáne basqa qalalarda ótti.
Báz bireýler Almatyda ákimdikti basyp alyp, Prokýratýra ǵimaraty, telearna ǵimaratyn qiratty, Áýejaidy basyp almaq boldy. Taldyqorǵanda jinalǵandar eks-prezident Nursultan Nazarbaevtyń eskertkishin qulatty. Almatyda saýda oryndaryn, bankter tonaldy.
Qańtar oqiǵasy kezinde kóptegen qarapaiym halyq japa shekti. Oqiǵa barysynda kóptegen adam qaza taýyp, jaraqat aldy, al myńdaǵan adam qamaýǵa alyndy. Bas prokýratýra qańtar oqiǵasy kezinde keminde 225 adam qaza bolǵanyn, 4578 adam zardap shekkenin habarlady. Jaralanǵandar arasynda 3393 politsei men soldat bar. Kúshtik qurylymdardyń 19 qyzmetkeri qaza tapqan.
Qańtar oqiǵasynyń basty sebepteri: Ekonomikalyq qiyndyqtar, áleýmettik teńsizdik, saiasi ózgerister talap etý boldy.
Qańtar oqiǵasynan keiin elde birqatar reformalar bolyp, onyń ishinde prezidenttiń ókilettiligin shekteý, Parlamenttiń rólin kúsheitý, jáne ádiletti ekonomika qurý týraly aityla bastady.
Jańa saiasi baǵyt "Halyq únine qulaq asatyn memleket" uranymen usynyldy. "Jańa Qazaqstan" kontseptsiiasy aiasynda saiasi, áleýmettik, jáne ekonomikalyq ózgerister bastalatyny aityla bastady.
