Sýret: Polisia.kz
Qańtardaǵy jappai tártipsizdikter kezinde QazUÝ rektory Janseiit Túimebaevtyń ulyn óltirdi degen kúdikti ustaldy, - dep habarlaidy Sputnik Qazaqstan.
Sot sheshimimen kúdiktige qatysty qamaýda ustaý túrinde bultartpaý sharasy tańdaldy.
"21 qazanda Ál-Farabi atyndaǵy QazUÝ rektory Janseiit Túimebaevtyń ulyn óltirdi degen kúdikti ustaldy. Qazir ol qamaýda otyr", - dep málimdedi Bas prokýratýranyń baspasóz qyzmeti.
Eske salsaq, biyl 11 qańtarda Almatydaǵy tártipsizdikter kezinde QazUÝ rektory Janseiit Túimebaevtyń uly Elnar qaza bolǵany habarlandy.
Ol 6 qańtar keshke saǵat 18:35 shamasynda kóligimen úiine qaityp bara jatqan. Nazarbaev kóshesimen joǵary qarai júrip kele jatqanda Sátbaev kóshesine jetpei qiylysta toqtaǵan. Osy ýaqytta belgisiz bireýler kenetten oq jaýdyrǵan. Elnar alǵan jaraqatynan oqiǵa ornynda kóz jumdy.
Aita keteri, Janseiit Túimebaev ártúrli jyldary Memleket basshysynyń keńesshisi, elshi, Bilim ministri qyzmetterin atqardy.
