Qańtar oqiǵasy boiynsha sottyń sanktsiiasymen 469 adam qamaýda otyr. Bul týraly Ortalyq kommýnikatsiialar qyzmetinde QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Ótken jolǵy brifingide memlekettik nysandarǵa shabýyl jasaýshylardyń is-áreketteri terrorizm aktileri jáne jekelegen tulǵalardyń is-áreketteri jappai tártipsizdikterge qatysý retinde saralanatyn jaǵdailar týraly aityldy. Vedomstvoaralyq tergeý toby arnaiy prokýrorlardyń basshylyǵymen atalǵan sanattaǵy 91 isti tergeýde, onyń ishinde terrorizm aktileri boiynsha – 46 jáne jappai tártipsizdikter boiynsha - 45. Bul isterdi tergeý aiasynda sottyń sanktsiiasymen 469 adam qamaýda otyr», - dedi Qilymjanov.
Onyń aitýynsha, jeke basyn, jasalǵan qylmystaǵy rólin, tergeýge járdemdesýdi eskere otyryp, 128 kúdiktige qatysty qamaýda ustaý - eshqaida ketpeý týraly qolhatqa, kepilge jáne jeke kepilgerlikke aýystyryldy.
