Almatyda qańtar oqiǵalary kezinde qarý-jaraq dúkeninen qarý urlaǵan kásiporyn kúzetshisi ustaldy, dep habarlaidy QazAqparat.
Qarý urlaǵan azamat Almaty oblysynyń 42 jastaǵy týmasy, bótenniń múlkin urlaý qylmysy úshin buryn sotty bolǵan. Ol turǵylyqty jeri boiynsha Túrksib aýdanynda ustaldy. Tintý jasaý kezinde modeli ártúrli iir oiyqty eki karabin (300 mm jáne 5,6 mm kalibrli), sondai-aq tegis uńǵyly myltyq (410 kalibrli) tabyldy.
«Tergeý barysynda ustalǵan azamat osy zattardyń barlyǵyn 5 qańtarda aýdanymyzda ornalasqan qarý-jaraq dúkenine shabýyl jasaý kezinde urlaǵany anyqtaldy. Atalǵan derek boiynsha QR QK-niń 188-baby 3-bóligine sáikes sotqa deiingi tergeý amaldary bastaldy. Kúdikti ýaqytsha ustaý izoliatoryna qamaldy. Onyń basqa da qylmystarǵa qatysy bar-joǵy tekserilýde», – dedi Almaly aýdandyq politsiia basqarmasynyń basshysy Esen Ysqaqov.
Eske salsaq, 7 aqpannan bastap Almatyda «Qarý» jedel-aldyn alý is-sharasy ótkizilýde. Osyǵan orai, qarý tabylǵan nemese anyqtalǵan jaǵdaida azamattar ony óz erkimen quqyq qorǵaý organdaryna tapsyrýy qajet. Bul olardy qylmystyq jaýapkershilikten bosatatyny týraly aityldy.
