Konstitýtsiialyq Keńestiń tóraǵasy Qairat Mámi Parlamenttiń birlesken otyrysynda konstitýtsiialyq reformanyń qajetiligi týraly paiymyn aitty, dep habarlaidy QazAqparat.
«Qańtar oqiǵasy elimizdegi ahýaldy múlde ózgertti. Bolashaq taǵdyrymyzdy aiqyndaityn jańa qundylyqtardyń qajettigi týyndady. Prezident Qasym-Jomart Kemeluly Toqaev osy úrdister men yqtimal qaterlerdi eskere otyryp, biylǵy Joldaýynda azamattyq orta men saiasi júieni ózgertýge baǵyttalǵan birqatar mańyzdy sharanyń jańa paketin usyndy. Memleket basshysynyń Joldaýda aitylǵan bastamalary búkil salany demokratiialandyrýdy talap etti. Qoiylǵan maqsattar konstitýtsiianalizmdi odan ári nyǵaitýǵa baǵyttaldy», - dedi Konstitýtsiialyq Keńes tóraǵasy.
Aitýynsha, osy atalǵan faktordyń mindetterge jetýi úshin konstitýtsiialyq reforma kerek bolǵan.
«Zaman men qoǵam ózgerip jatqan ýaqytta negizgi zańymyz da jańartýdy kerek etti. Iaǵni qoldanystaǵy Konstitýtsiiany ózgertý qajettiligi týyndady», - dedi Qairat Mámi.
Aita keteiik, Parlamenttiń búgingi birlesken otyrysyna Senat tóraǵasy Máýlen Áshimbaev, Májilis tóraǵasy Erlan Qoshanov, Úkimet basshysy Álihan Smaiylov, Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnova, Úkimet músheleri qatysyp jatyr.
