QR Bas prokýratýrasy 1-qyzmet bastyǵynyń orynbasary Eldos Qilymjanov qańtar oqiǵasy boiynsha neshe adamnyń sottalǵanyn málim etti, dep habarlaidy QazAqparat.
«Qaiǵyly qańtar oqiǵalaryn tergeýmen arnaiy prokýrorlar basshylyǵymen vedomstvoaralyq jedel tergeý toptar ainalysyp jatyr. Olardyń óndirisinde 262 qylmystyq is bar. Onyń ishinde 44 terrorizm aktisi, jappai tártipsizdik boiynsha 47 is qozǵalǵan. Osy qylmystardy uiymdastyrýshylar men qatysýshylardy anyqtaý jáne jaýapqa tartý boinysha barlyq qajetti sharalar qabyldanyp jatyr. Búgingi tańda 547 adam jappai tártipsizdikti uiymdastyrýǵa jáne oǵan qatysqany úshin kúdikti dep tanyldy. Onyń 269-y qamaýda. Jalpy el boiynsha tergeý organdary 3702 qylmystyq isti tergeý ústinde. Onyń basym kópshiligi urlyq, tonaý, qarýlardy jymqyrý jáne basqa qiyn emes qylmystar, - dedi ol ortalyq kommýnikatsiialar qyzmetinde ótip jatqan brifingide.
Sondai-aq, Bas prokýratýra ókili qajetti tergeý áreketteri júrgizilgennen keiin ister sotqa birden joldanyp jatqanyn atap ótti.
«Osy qylmystar úshin 152 adam sottaldy», - dedi Eldos Qilymjanov.
