Qańtar oqiǵasyna qatysty 271 adam kúzetpen ustalyp otyr. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Ishki ister ministrligi eldegi quqyqtyq tártipti qamtamasyz etý jáne qańtar oqiǵasyn tergeý jumysyn jalǵastyrýda. Búgingi tańda ishki ister organdary tergeýshileriniń óndirisinde 2 565 qylmystyq is bar. Olar boiynsha 271 adam kúzetpen ustalýda. Ustaý jáne bultartpaý sharasyn tańdaý týraly barlyq sheshimder qylmystyq protsess talaptaryna sáikes ári mindetti túrde prokýratýramen kelisý jáne sot sanktsiiasymen qabyldanýda», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, ustalǵan adamdarǵa qatysty zańsyz is-áreketter týraly árbir ótinish boiynsha Ishki ister ministrliginiń Ózindik qaýipsizdik departamenti tekserý júrgizedi.
«Qazirgi ýaqytta quqyq qorǵaý organdary qyzmetkerleriniń bilikti asyra paidalanǵany týraly 59 ótinish qaraldy. Olar boiynsha qylmystyq is qozǵalyp, sybailas jemqorlyqqa qarsy qyzmetke berildi. 18 ótinish boiynsha azamattardan túsinikteme alynyp, beinejazbalardy zerttei otyryp, qyzmettik tekserý muqiiat júrgizildi. Bilikti asyra qoldaný faktileri rastalǵan joq», - dedi Sanjar Ádilov.
