Qańtar oqiǵasy kezinde urlanǵan qarý-jaraqtyń basym bóligi tárkilendi. Bul týraly IIM tergeý departamentiniń bastyǵy Sanjar Ádilov aitty, dep habarlaidy QazAqparat.
«Qaiǵyly qańtar qylmystyq isterin tergeý aiasynda tonaýǵa, ásirese qarý urlaýǵa qatysqan adamdardy anyqtaý jumysy jalǵasýda. Úsh aptada Almaty qalasynda, Almaty jáne Jambyl oblystarynda urlanǵan qarýdyń basym bóligi tárkilendi. Qazirgi ýaqytta tárkilengen qarýdyń jalpy sany - 747 jáne 18 myńnan astam oq-dári alyndy», - dedi ol ortalyq kommýnikatsiialar qyzmetinde ótken brifingte.
Máselen, onyń dereginshe, 5 qańtarda qarý-jaraq dúkenin tonaýǵa qatysqan, buryn urlyq jasaǵany úshin sottalǵan Jambyl oblysynyń 33 jastaǵy turǵyny 30 qańtarda ustaldy.
«Ol dúken esigindegi temir tordy syndyrý úshin kabel bailanǵan VAZ-2114 kóligin júrgizgen. Nátijesinde kúdikti eki tegis uńǵyly jáne eki oiyq myltyqty iemdengen. Almaty qalasynda osy qalanyń taǵy 4 turǵyny ustaldy. Olardan urlanǵan 10 myltyq pen oq-dári tárkilendi. Sonymen qatar, olardan qaýipsizdik kúshinen urlanǵan oq ótpeitin keýdesheler, qalqandar men shlemder tárkilendi. Sot sanktsiiasymen osy faktiler boiynsha ustalǵan kúdiktiler ýaqytsha ustaý izoliatoryna qamaldy», - dedi departament bastyǵy.
