Bas prokýratýranyń birinshi qyzmet basshysynyń orynbasary Eldos Qilymjanov quqyq qorǵaý organy qyzmetkerleri óliminiń mán-jaiy týraly aitty, - dep habarlaidy Tengrinews.kz tilshisi.
"Búginde Almaty qalasy, Almaty, Jambyl jáne Qyzylorda oblystarynda qoǵamdyq tártipti qorǵaý boiynsha qyzmettik boryshyn óteý kezinde erlikpen qaza tapqan qazirgi jáne bolashaq 19 ofitserdiń qazasynyń mán-jaiy anyqtaldy.
Almaty qalasy ákimdigi ǵimaratyn kúzetýge qatysqan qarýsyz áskeri qyzmetshi podpolkovnik Hairovtyń ólimi kezinde erekshe tsinizm baiqaldy. Onyń denesi ǵimarat tóbesinen tabyldy", - dedi Eldos Qilymjanov OKQ brifinginde.
Bas prokýratýra málimetinshe, tergeý barysynda qylmyskerler aiǵaqtardy jasyrý úshin marqumnyń denesin órtep jibergeni anyqtalǵan. 39 jastaǵy ofitserdiń artynda otbasy men kámeletke tolmaǵan eki balasy qaldy.
