QR Saýda jáne integratsiia vitse-ministri Janel Kýshýkova qant baǵasynyń ósimin tejeý qadamdary týraly aitty, dep habarlady QazAqparat.
«Ishki baǵalardy retteý men turaqtandyrý, sondai-aq negizgi taýarlardy tutynýshylarǵa jetkizý aiasynda qantqa qatysty birqatar sheshim qabyldandy. Ótken jyldan beri qant baǵasynyń eleýli óskenin baiqap otyrmyz. Bul óz kezeginde 2020 jyly qant qyzylshasy shyǵymdylyǵynyń tómendigine jáne qant quraǵy qunynyń artýyna bailanysty boldy», - dedi J. Kýshýkova ministrliktiń alqa májilisinde.
«Osyǵan bailanysty biyl qant quraǵy men daiyn qantty biylǵy 15 mamyrdan 30 qyrkúiek aralyǵynda jeńildikti túrde alyp kelýge kvota bekitý týraly sheshim qabyldandy. Qazaqstan úshin kvota kólemi 134,4 myń tonnany qurady. Bul sheshim qant baǵasynyń negizsiz ósýin tejeýge múmkindik berip, qant óndiretin kompaniialardyń jumysyn turaqtandyrady», - dedi vitse-ministr.
