Meksika boksshysy Saýl Alvares (54-1-2, 36 KO) britandyq Kallým Smitti (27-1, 19 KO) jeńgennen keiin suhbat berdi, dep habarlaidy "Ult aqparat" Sports.kz saityna silteme jasap.
«Uzaq ýaqyt kidiris bolsa da, bul jekpe-jekke daiyndyqta tamasha jumys atqardyq. Men ringke oralyp, ózimnen alyp jigitti jeńgenime baqyttymyn. Iá, ol myqty boksshy, biraq men birinshi raýndta-aq ózimniń kim ekenimdi tanyttym. Álemde úzdik ekenimdi dáleldedim. Maǵan 168 fýntta shyqqan unady. Bul divizionda beldikterge qol jetkizgenim – meniń úzdik nátijelerimniń biri. Men munda beldikterdiń basyn qosqym keledi, jańa jekpe-jekterdi qalaimyn. Bul – meniń maqsatym. Bolashaqta Golovkinmen úshinshi ret aiqasýym múmkin be? Men tek úzdiktermen judyryqtasqym keledi. Eger bul jekpe-jekti qabyldaý múmkindigi týsa, men ony qabyldaimyn. Tek úzdiktermen kezdesýge daiyn ekenimdi kórsettim», - dep málimdedi Kanelo.
Eske sala keteiik, «Kanelo» britandyq Kalým Smitti jeńip, WBA jáne WBC nusqalary boiynsha álem chempiony titýldaryn ielendi.
19 jeltoqsanda qazaqstandyq boksshy Gennadii Golovkin (41-1-1, 36 KO) poliak boksshysy Kamil Sheremetany (21-1, 5 KO) jeńgennen keiin «Alvares-Smit» aiqasynyń qai jeńgenimen kezdesýge nietti ekenin bildirgen edi.
