WBC jáne WBA Super nusqalary boiynsha ekinshi orta salmaqtaǵy álem chempiony meksikalyq Saýl «Kanelo» Alvares (54-1-2, 36 KO) jeltoqsanda qazaqstandyq Gennadii Golovkinmen (42-1-1, 36 KO) aiqasýy múmkin ekenin joqqa shyǵarmady, dep habarlaidy Sports.kz.
Jeksenbide Alvares túrkiialyq mindetti úmitker Avni Iyldyrymmen (21-2, 12 KO) aiqasady, mamyrda kollektsiiasyn britandyq Billi Djo Sonderstiń (30-0, 14 KO) WBO titýlymen tolyqtyrýǵa tyryspaq, al qyrkúiekte absoliýtti chempion ataǵyna jetpei turǵan amerikalyq Kaleb Plantanyń (21-0, 12 KO) IBF belbeýin tartyp alýǵa tyrysady.
«Kez kelgen nusqaǵa daiynmyn. Bastysy boksshynyń myqty bolǵany, jankúierlerdi aiqas qyzyqtyryp turýy kerek. Eger olarǵa Golovkinmen úshinshi jekpe-jek kerek bolsa, nege jasamasqa?», - dedi Alvares.
Eske sala ketsek, 2017 jyldyń qyrkúieginde Golovkin men Alvares teń tústi, al týra 12 ai ótkennen keiin «Kanelo» azdaǵan upai aiyrmashylyǵymen jeńiske jetken bolatyn.
