Elimizde balalar arasynda koronavirýsqa qarsy revaktsinatsiia júrýi múmkin be? Bul suraqqa QR Densaýlyq saqtaý vitse-ministri Ajar Ǵiniiat jaýap berdi, dep habarlaidy QazAqparat agenttigi.
«Qandai jaǵdaida balaǵa vaktsina salýǵa bolmaidy? Allergiiadan bólek, eger bala sol sátte ózin jaisyz sezinip tursa nemese sodan birer kún buryn aýyrǵan jaǵdaida oǵan ekpe almaǵan abzal. Odan bólek, árine balaǵa vaktsina salmas buryn mamandar onyń sol kezdegi jaǵdaiyn baqylap, tekseredi. Sonymen qatar qazirgi ýaqytta balalardan vaktsina almas buryn meditsinalyq saraptama tapsyrý talap etilmeidi. Bastysy - balada densaýlyǵyna qatysty shaǵym bolmasa jáne ekpege qarsy kórsetkish bolmaǵan jaǵdaida ruqsat beriledi. Bul tusta biz dárigerlerge ár balanyń densaýlyǵyn jiti baqylap, sodan keiin ǵana vaktsina salý kerektigi týraly aityp jatyrmyz», - dedi Ajar Ǵiniiat tanymal telejúrgizýshi Láilá Sultanqyzyna bergen suhbatynda.
Sondai-aq, vitse-ministr balalar revaktsinatsiiasyna qatysty túsinik berip ótti.
«Balalar arasyndaǵy revaktsinatsiia týraly aitýǵa ázirge erte. Sebebi erteńgi kúni epidjaǵdaidyń qalai bolatynyn biz bilmeimiz. Múmkin kerek bolmaityn da shyǵar. Eger epidjaǵdai bizdiń elde ǵana emes, álem boiynsha rettelip, ujymdyq immýnitet qalyptassa, onda qajet bolmaýy da múmkin. Sondyqtan aldyn ala boljaýǵa áli erterek», - deidi ol.
