«Otandastar qory» kommertsiialyq emes aktsionerlik qorynyń janynan qandastarǵa aqparattyq qoldaý kórsetetin bailanys ortalyǵy jumys istep tur. Onyń nómiri - 1404, dep habarlaidy "Ult aqparat".
Dúniejúzi qazaqtarynyń V quryltaiynda Elbasy búginde álemniń 40-qa jýyq elinde qandastarymyz turaqty turyp jatqanyn atap ótken bolatyn. Iaǵni, onda etnikalyq qazaqtardy tek kóshirip alý máselesin ǵana qarastyrmai, olardyń áleýetin turǵylyqty jerinde qaldyra otyryp paidalaný múmkindigin qarastyrýdy, shetelde turatyn etnikalyq qazaqtarmen bailanysty kúsheitýdi, Dúniejúzi qazaqtarynyń qaýymdastyǵyna olardyń turǵylyqty jerinde mádeni ortalyqtar qurýyna yqpal jasaýdy, sheteldegi bilikti mamandar men jetistikke jetken azamattardy elge tartý jáne olardyń elektrondy derekqoryn jasaýdy, joǵary bilikti etnikalyq qazaqtarǵa ýaqytsha jumysqa kelý múmkindigin qarastyrýdy tapsyrdy.
Sonymen qatar qandastarǵa bailanysty barlyq suraqtardy ákimshilikter men ministrlikter birlese otyryp sheshedi. Olarǵa jan-jaqty qoldaý men kómek berilip, jumystaryn júieli ári qarai qarqyndy júrgizý úshin 2018 jyly Dúniejúzi qazaqtarynyń qaýymdastyǵymen birlese jumys isteitin «Otandastar qory» kommertsiialyq emes aktsionerlik qory quryldy.
Qazaqstan Respýblikasy Úkimetiniń 2018 jyly 18-mamyr № 280 qaýlysymen «Sheteldegi qazaqtardy qoldaýdyń 2018-2022 jyldarǵa arnalǵan is-sharalar jospary» bekitildi. Onyń negizgi mindeti – tarihi Otanyna birjolata qonys aýdarǵan qandastardyń jańa ortaǵa beiimdelýine quqyqtyq aqyl-keńes berý, turmys-tirshiligin ońdap, kásippen ainalysýyna kómektesý, sondai-aq shetelderde turatyn qandastarǵa qoldaý kórsetý.
2019 jyly sáýir aiynda qandastarymyzǵa arnalǵan jobalardyń biri - bailanys ortalyǵy ashyldy.
«Otandastar qory» KeAQ pen «Qazaqtelekom» AQ arasynda jasalǵan áriptestik memorandým aiasynda álem elderindegi qandastarymyzǵa arnalǵan «Bailanys ortalyǵynyń» qyzmeti iske qosyldy. Bul - qandastar úshin asa qýanyshty ári jaǵymdy jańalyq boldy.
Memorandýmǵa sáikes qos tarap arasyndaǵy seriktestik qatynas qalyptasyp, sol arqyly joba júzege asyrylýda. Bailanys ortalyqqa tehnikalyq qoldaý kórsetý, «Qazaqtelekom» AQ seriktes retinde Bailanys ortalyǵynyń operatorlaryn usyný, jańa tehnologiialardy qoldanýmen qamtamasyz etý, qazaqstandyq uialy operatorlar nomerlerinen aqysyz qońyraý shalýǵa múmkindik berdi. «Bailanys ortalyǵy» qandastarǵa qoldaý kórsetýdiń is júzindegi áreketterin dáleldeitin taǵy da bir qadam boldy.
«Bailanys ortalyǵy» qyzmeti 1404 (uialy qońyraýlar úshin), 8-800-080-1404 (Qazaqstan boiynsha qońyraýlar úshin), +7 (7172) 981404 (Qazaqstan jáne shetelden shalynatyn qońyraýlar úshin) nómirleri boiynsha qoljetimdi, sondai-aq WhatsApp jáne Telegram messendjerleri, Skype qońyraýy arqyly qandastarymyz habarlasyp, týyndaǵan saýaldarynyń barlyǵyna jaýap ala alady.
Memleket tapsyrysymen bailanys ortalyǵy integratsiialyq jáne beiimdeý qyzmetterin kórsetý boiynsha aqparat jinaý jáne taldaý, qoldanystaǵy zańnamany jetildirý, qandastarǵa kómek kórsetý jáne baǵdarlamalyq qujattardy ázirleý maqsatynda jiyrma myń suraq-jaýapty qamtityn kólemdi málimet bazasy quryldy.
Qandastarymyzǵa memlekettik qyzmetterdi usyný, «oralman» mártebesin jáne QR azamattyǵyn alý, áleýmettik tólemder men jeńildikter, memlekettik kómek, balabaqsha, mektep, joǵary oqý oryndaryna túsý týraly, sondai-aq shetelden kóship kelýshilerdi jumyspen qamtý, qandastardy qabyldaýdyń óńirlik kvotasyna engizý máseleleri boiynsha túsken suraqtarǵa naqty aqparat pen keńes berilip jumys júieli júrgizilýde.
«Bailanys ortalyǵy» týraly málimetti etnikalyq qazaqtar turatyn 40-qa jýyq memlekettiń QR elshilikteriniń veb-saittary men áleýmettik jelilerinde jariialandy. Elimizde etnikalyq qazaqtardyń qatysýymen ótetin sporttyq mádeni is-sharalar, otandastar biznes forým konferentsiialary turaqty túrde habarlandyrylýda.
Sondai-aq etnikalyq qazaqtar jii paidalanatyn Instagram, Facebook jáne taǵy basqa áleýmettik jelilerde aqparat beriledi. Respýblikanyń oblys, qala, aýdan deńgeiindegi 200-ge jýyq ákimdikke, 12 quzyrly ministrlikke arnaiy hat jiberildi.
Osy kúni bailanys ortalyǵynyń 1404 nómirine elge kóship kelgen qandastarymyzdan 2587 ótinish, WhatsApp, Telegram, Skype, komek@oq.gov.kzposhtasy arqyly 476 habarlama qabyldandy. Ótinishtiń barlyǵyna qajetti jaýap berildi.
Elimizde bolyp jatqan jańalyqtar men jetistikterdi iske asyrylyp jatqan kóshi-qon saiasatyn, onyń tetikterin syrtta júrgen qandas baýyrlarymyzǵa tolyqqandy jáne ýaqytynda jetkizý maqsatynda Qazaqstan elshilikteri arqyly belsendi aqparattandyrý jumystaryn júrgizip kelemiz.
