Aqyn Qanat Omar jaqynda Belgiia men Frantsiiada ótken «Emigranttyq lira» atty halyqaralyq poetikalyq festivalde kúmis júlde enshiledi, dep habarlaidy "Ult aqparat". Bul týraly QR Prezidentiniń baspasóz hatshysy Berik Ýáli facebook-tegi paraqshasynda jazdy.
Ol Avstraliia, Avstriia, Vengriia, Germaniia, Izrail, Qazaqstan, Qytai, Latviia, Moldova, Polsha, Resei, AQSh, Ýkraina, Finliandiia jəne Chehiia siiaqty 15 elden avtorlar qatysqan konkýrstyń qorytyndysy boiynsha ekinshi oryndy ielendi.
«Bul bərimiz úshin zor qýanysh! Men Qanatty maqtan tutamyn jəne oǵan tabys, eń bastysy, óz júreginiń qalaýymen júre berý úshin kúsh-qýat pen shyǵarmashylyq shabyt tileimin! Uly dalada aqyndar ərqashan ulyqtalǵan. Halyq olardy qurmettegen. Bileýshiler olardyń sózine qulaq asqan, taǵdyrdyń jazýymen ulttyq qundylyqtardy saqtaýǵa qabiletti jandardy qasterlei bilgen. Bul ómirde laiyqty tulǵalardyń bəri birdei baǵalana bermeidi. Bir ǵana zor jetistikpen tipti de ólshenbeidi…
Bul - biz saqtaýǵa tyrysatyn uly dástúr. Biz - Prezidenttiń Baspasóz qyzmeti, Mádeniet jáne sport ministri Aqtoty Raiymqulova jəne «Qazaq áýenderi» AQ Qazaqstannyń daryndy avtorynyń sheteldik festivalǵa baryp, Briýssel, Lej, Parij siiaqty əlemniń mərtebeli sahnalarynan óz ónerin kórsetýine múmkindik týǵyza alǵanymyzǵa qýanyshtymyz. Qazaqtyń uly dalasynyń daryndy perzentteri - Əmire Qashaýbaevty, Almas Almatovty, Dimash Qudaibergendi tyńdaǵandai, baǵalaǵandai, onyń da ónerin tyńdady, baǵalady. Qanat halqynyń senimin aqtady. Onyń aldaǵy ýaqytta zor jetistikterge jetetinine senemin jáne úlken úmit artamyn. Otanymyzdyń atyn asqaqtatatyn basqa da barsha aqyndarymyz ben jazýshylarymyz, sýretshilerimiz ben kinorejisserlerimiz, ərtisterimiz ben oryndaýshylarymyz osyndai biikterden kórine bersin!», - dep jazdy Berik Ýáli.
