Qazaqstandyq boksshy Qanat Islam (27-0, 21 KO) Dúniejúzilik boks uiymynyń (WBO) jańartylǵan reitinginde bir satyǵa kóterildi, dep habarlaidy "Ult aqparat" Sports.kz portalyna silteme jasap.
Rangter týraly kesteniń jańa shyǵarylymynda jartylai orta salmaqtaǵy WBO International ataǵynyń iegeri meksikalyq Haime Mýngiiadan (35-0, 28 KO) jáne britandyq Liam Ýiliamsten (22-2-1, 17 KO) keiin úshinshi orynǵa turaqtady. Orta salmaqta WBO tujyrymy boiynsha álem chempiony ataǵyn AQSh ókili Demetriýs Andrade (29-0, 18 KO) jeńip aldy.
Aita keteiik, búginge deiin óziniń sońǵy aiqasyn Qanat Islam 26 qazanda Almaty qalasynda namibiialyq Ýolter Kaýtondokvýǵa qarsy ótkizip, tóreshilerdiń biraýyzdy sheshimimen jeńiske jetti.
