- Qazaqstandyq boksshy Qanat Islam keshegi ótken jekpe-jeginde qoldaý kórsetkei úshin jankúierlerine alǵys aitty. Boksy bul týraly óziniń Instagramdaǵy paraqshasynda habarlady.
«Jeńis qutty bolsyn, Qazaq eli. «Almaty arenaǵa» kelip qoldaý kórsetken jáne kele almai telearna aldynda taqymyn qysyp otyrǵan aǵaiynǵa aitar alǵysym zor. Bul - sizderdiń jeńisterińiz. Jekpe-jek men úshin óte qiyn boldy. Barlyǵy menen nokaýt kútkenin bilemin. Kezdesýdiń ekinshi raýndynda eki qolymdy birdei jaraqattap, oidaǵydai soqqy jasai almadym. Sol úshin de ony sharshatyp, 12 raýnd boiy jumys isteý kerek boldy. Jattyqtyrýshymnyń keńesi osy boldy. Bul - sport. Ringte kez kelgen jaǵdai bolady. Kópten beri 12 raýndtyq jekpe-jegim bolmap edi, men úshin bul da bir tájiribe. Bári alda, buiyrtsa álem myqtylaryn sabaityn kún de alys emes. Jarysty uiymdastyryp, Qazaq elinde tamasha kásipqoi boks keshiniń ótýine qoldaý kórsetken Baýyrjan Baibek, Baýyrjan Ospanov, Aidyn Rahymbaev, Keńes Raqyshev aǵalaryma alǵys aitamyn. Erim deitin el barda, elim deitin erler kóbeiedi. Bul boks keshi talai qazaq jastarynyń sportqa degen qyzyǵýshylyǵyn oiatty dep oilaimyn. Bizde myqty jastar kóp. Buiyrtsa, kásipqoi boksta talai qazaq jigitteri óz biigin baǵyndyrady. Jeńisti kúnder kóp bolsyn!» - dedi sportshy.
