"Samuryq-Qazyna" AQ basqarmasy "Qazposhta" AQ basqarma tóraǵasy Qanat Alpysbaevtyń óz ýákilettiligin merziminen buryn toqtatý týraly ótinishin qarady.
"2021 jyldyń 1 qyrkúieginen bastap "Qazposhta" AQ basqarma tóraǵasynyń mindetin atqarýdy Serik Saýdabaevqa júkteý týraly sheshim qabyldandy", - dep habarlady "Samuryq-Qazyna" AQ baspasóz qyzmeti.
Alpysbaev – "Qazaqstan temir jolynyń" eks-basshysy, ulttyq kompaniiany 2016 jyldan 2018 jylǵa deiin basqardy.
Serik Saýdabaev 1977 jyly týǵan. Joǵary ekonomikalyq jáne joǵary zańgerlik bilimi bar.
2010 jyldyń maýsym aiynan bastap osy ýaqytqa deiin "Samuryq-Qazyna" AQ-nyń "Qazaqtelekom" jáne "Qazposhta" siiaqty aktivterine jaýapty salalyq direktsiiasyn basqardy.
2010 - 2014 jyldar aralyǵynda jáne 2016 jyldan osy ýaqytqa deiin Serik Saýdabaev "Qazposhta" AQ direktorlar keńesiniń múshesi boldy.
Sonymen qatar Serik Saýdabaev – "Qazaqtelekom" AQ men " Kcell" AQ direktorlar keńesinde aktsioner múddesiniń ókili jáne "QazCloud" JShS baqylaýshylar keńesiniń múshesi.
