Kanadalyq Talapkerler 500 000 AQSh dollary mólsherindegi Qazaqstan Respýblikasynyń World Wide Minerals tóreligindegi shyǵynyn ótedi. Bul týraly "Ult aqparat" Ádilet ministrligine silteme jasap habarlaidy.
2013 jylǵy jeltoqsanda kanadalyq talapkerler, «World Wide Minerals Ltd» kompaniiasy jáne koroldik advokaty Pol Keroll (kompaniianyń prezidenti), Qazaqstan Respýblikasyna qarsy investitsiialyq talap-aryzben júgindi. Talap-aryzdarynyń alǵyshqy somasy 1,9 mlrd AQSh dollaryn qurady. Daýdyń máni 1996 jyldan bastap 1997 jylǵa deiin Aqmola oblysynda ornalasqan Tyń taý-ken-himiia kombinatyn Talapkerlerdiń senimdi basqarý jaǵdailaryna qatysty boldy.
2017 jylǵy jeltoqsanda jáne 2018 jylǵy qańtarda ótken tyńdaýlardyń qorytyndysy boiynsha Tribýnal 2019 jylǵy 29 qazandaǵy óz sheshiminde Talapkerlerge talap-aryzdyń negizgi somasynyń 1%-dan kem somany qaýly etti.
Sonymen birge, 2019 jylǵy qarashada Qazaqstan Respýblikasy London qalasyndaǵy Angliianyń Joǵarǵy Sotyna tiisti dáleldemeler berip, tórelik sheshimniń qorytyndy daiyndaý jáne zalaldy baǵalaý kezinde Tribýnal jol bergen buzyshylyqtar bóligine qatysty shaǵym berdi.
2020 jylǵy 23 qarashasynda joǵary mártebeli Sýdia Peling berilgen zalal jáne shyǵyndar somalary bóliginde 2019 jylǵy tórelik sheshimniń kúshin joiyp, Qazaqstan Respýblikasynyń shaǵym týraly ótinishin qoldady jáne daýdy Tribýnaldyń odan ári qaita qaraýyna joldady.
Tórelik sheshimge sátti shaǵym jasaýdy eskere otyryp, Talapkerlerge Qazaqstan Respýblikasynyń shyǵyndaryn tóleý tapsyryldy. Talapkerler shaǵymdaný protsesinde keltirilgen 500 000 AQSh dollary shyǵyndardy Qazaqstan Respýblikasyna tóledi. Osy soma memlekettik biýdjetke tústi.
Qazaqstan úshin oń sheshim nátijesinde, Talapkerler Angliiadaǵy tórelik sheshimdi oryndaýǵa qatysty talabynan bas tartty. Osy sebepten, Talapkerler Qazaqstan Respýblikasyna keltirilgen shyǵyndy tóleýge mindetti. Qazirgi ýaqytta taraptar osy shyǵyndardy óteý týraly máseleni talqylaýda.
