Foto: ashyq derekkózden
Kanadaǵa jumysqa ornalaspaq bolǵan astanalyq turǵyn alaiaqqa aldanyp qaldy, – dep habarlaidy "Ult aqparat" Polisia.kz portalyna silteme jasap.
Astana qalasy politsiia departamentiniń Esil aýdany PB kriminaldyq politsiia bóliminiń qyzmetkerleri alaiaqtyq jasaýǵa qatysy bar 59 jastaǵy qala turǵynyn anyqtady. Eresek áiel Kanadaǵa jumysqa ornalastyramyn degen syltaýmen elordanyń 24 jastaǵy turǵynynyń aqshasyn iemdengeni belgili bolǵan.
"Kúdiktiniń senimge kirip, jábirlenýshini basqa elde turýmen jumysqa ornalasýǵa járdemdesetin bailanystary men arnalary bar ekenine sendirgeni anyqtaldy. Ol óz qyzmeti úshin jas jigitten aldyn ala 203 myń teńge alǵan.
Tergeý barysynda onyń taǵy 6 astanalyqtyń aqshasyn iemdenip, aldaǵany belgili bolǵan.
Osy fakti boiynsha QR QK-niń 190-baby (Alaiaqtyq) boiynsha sotqa deiingi tergeý júrgizilip jatyr" - delingen habarlamada.
Astana qalasy politsiia departamenti azamattarǵa alaiaqtardyń qurbany bolmaý úshin qyraǵy bolýdy, beitanys adamdarǵa senbeýdi eskertedi.
