فوتو: اشىق دەرەككٶزدەن
كاناداعا جۇمىسقا ورنالاسپاق بولعان استانالىق تۇرعىن الاياققا الدانىپ قالدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
استانا قالاسى پوليتسييا دەپارتامەنتٸنٸڭ ەسٸل اۋدانى پب كريمينالدىق پوليتسييا بٶلٸمٸنٸڭ قىزمەتكەرلەرٸ الاياقتىق جاساۋعا قاتىسى بار 59 جاستاعى قالا تۇرعىنىن انىقتادى. ەرەسەك ەيەل كاناداعا جۇمىسقا ورنالاستىرامىن دەگەن سىلتاۋمەن ەلوردانىڭ 24 جاستاعى تۇرعىنىنىڭ اقشاسىن يەمدەنگەنٸ بەلگٸلٸ بولعان.
"كٷدٸكتٸنٸڭ سەنٸمگە كٸرٸپ, جەبٸرلەنۋشٸنٸ باسقا ەلدە تۇرۋمەن جۇمىسقا ورنالاسۋعا جەردەمدەسەتٸن بايلانىستارى مەن ارنالارى بار ەكەنٸنە سەندٸرگەنٸ انىقتالدى. ول ٶز قىزمەتٸ ٷشٸن جاس جٸگٸتتەن الدىن الا 203 مىڭ تەڭگە العان.
تەرگەۋ بارىسىندا ونىڭ تاعى 6 استانالىقتىڭ اقشاسىن يەمدەنٸپ, الداعانى بەلگٸلٸ بولعان.
وسى فاكتٸ بويىنشا قر قك-نٸڭ 190-بابى (الاياقتىق) بويىنشا سوتقا دەيٸنگٸ تەرگەۋ جٷرگٸزٸلٸپ جاتىر" - دەلٸنگەن حابارلامادا.
استانا قالاسى پوليتسييا دەپارتامەنتٸ ازاماتتارعا الاياقتاردىڭ قۇربانى بولماۋ ٷشٸن قىراعى بولۋدى, بەيتانىس ادامدارعا سەنبەۋدٸ ەسكەرتەدٸ.
