Sońǵy táýlikte Kanadada koronavirýs juqtyrýdyń rekordtyq sany tirkeldi. Indet juqtyrý sany 6 258-den 7 437 oqiǵaǵa deiin ósken. Osylaisha, táýlik ishinde elde Covid-19 virýsyn 1179 adam juqtyrǵan, dep habarlaidy Kanada Densaýlyq saqtaý ministrligi.
Koronavirýs juqtyrýdyń eń kóp sany Kvebek provintsiiasynda tirkeldi. Onda bir táýlikte 590 jańa oqiǵa anyqtalǵan. Koronavirýsqa shaldyqqandardyń jalpy sany - 3430 adam. Ekinshi jáne úshinshi orynda – Ontario provintsiiasy (1706 oqiǵa) jáne Britandyq Kolýmbiia (960 oqiǵa). Britandyq Kolýmbiiada aýrý juqtyrǵan adamdardyń 48 paiyzy saýyqty. Ontarioda 400 adam jazylyp shyqty.
Kanadada koronavirýs juqtyrýdyń birde-bir oqiǵasy tirkelmegen jer – Nýnavýt arktikalyq aýmaǵy.
12 naýryzda álemdik BAQ koronavirýstyń Kanada premer-ministri Djastin Triýdonyń zaiybynan anyqtalǵanyn habarlaǵan. Londonnan oralǵan odan test alynyp, indettiń bar ekenin kórsetti. Premer-ministrdiń ózi jáne úsh balasynan virýs belgileri anyqtalmaǵan edi. Ótken demalys kúnderi Sofi Triýdonyń tolyq jazylyp, ózin jaqsy sezingeni týraly jariialandy.
Kanadada koronavirýsqa shaldyǵýdyń birinshi oqiǵasy 15 qańtarda tirkelgen. Indetten kóz jumǵandar sany - 89 adam.
