Vinnipegede (Manitoba) ótip jatqan koronavirýs shekteýlerine qarsy narazylyq aktsiiasynyń qatysýshylaryn avtokólik basyp ótip, 4 adam zardap shekti. Bul týraly senbi kúni CTV telearnasy málim etti, dep habarlaidy QazAqparat.
Oqiǵa narazylyq bildirýshiler jinalǵan aimaqtyń zań shyǵarý mekemesi ǵimaratynyń aldynda boldy. Kýágerlerdiń aitýynsha, jol talǵamaityn aq kólik jinalǵan topty basyp ótip, birneshe adamdy qaǵyp ketken. Keiin qatty jyldamdyqpen oqiǵa ornynan ketip qalǵan.
Politsiia ony jedel ustady. Onyń nelikten bul áreketke barǵany anyqtalyp jatyr. Zardap shegýshilerge meditsinalyq kómek kórsetildi.
Kanadanyń kóptegen qalasynda osy demalys kúnderi pandemiiaǵa bailanysty engizilgen shekteýlerge qarsy narazylyq aktsiialary ótip jatyr. Olardyń eń úlkeni 29 qańtarda Ottavada bastaldy jáne áli ótip jatyr.
