Kanadanyń Toronto qalasynda on adamdy mikroavtobýs qaǵyp ketti, taǵy 15 adam jaraqat alǵan, - dep habarlaidy RIA Novosti. Bul týraly jergilikti politsiia basshysy Mark Saýnders habarlaǵan.
"Kýágerlerdiń sózine súienetin bolsaq, bul qasaqana jasalǵan áreket ekeni túsinikti, tipti solai dep málimdeýge de bolady", — dedi Saýnders.
Oqiǵa dúisenbide bolǵan. Jaiaý júrginshilerdi qaqqan júrgizýshi ustaldy, ol 25 jastaǵy Alek Minassian bolyp shyqty. Ol politsiia esebinde turǵan eken. Qylmyskerdiń bul áreketke ne sebepti barǵany belgisiz qalyp otyr. Kanadanyń qoǵamdyq kúzet ministri Ralf Gýdeil el biliginiń G7 sammiti qatysýshylarynyń shabýyl nysany bolýy múmkin degen málimet almaǵanyn málimdegen. Quqyq qorǵaý organdarynyń málimetinshe, júrgizýshi adamdardy qasaqana qaqqan, alaida bul áli terroristik akt retinde qarastyrylyp otyrǵan joq.
Politsiia basshysy jýrnalisterdiń "oqiǵa terakt emes pe?" degen suraǵyna jaýap bere kele, Kanada qoǵamdyq qaýipsizdik ministri Ralf Gýdeildiń "oqiǵanyń ulttyq qaýipsizdikke qatysy joq" degen sózin alǵa tartty.
Kanadanyń premer-ministri Djastin Triýdo jaǵdaida óz baqylaýyna alǵanyn málimdegen.
Óz kezeginde Qazaqstannyń SIM resmi ókili Ánýar Jainaqov Qazaqstannyń Kanadadaǵy diplomattary jergilikti politsiiamen habarlasyp, Toronto qalasynda shaǵyn avtobýstyń jaiaý júrginshilerdi basyp ketken jol apatynan qaitys bolǵan jəne zardap shekkenderdiń arasynda Qazaqstan azamattary bar joǵyn anyqtap jatqanyn habarlady.
"Osy ýaqytqa deiin qazaqstandyqtar týraly málimetter túsken joq", - dep habarlady SIM ókili.
