Qazaqstandyq boksshy Qamshybek Qońqabaev (2-0, 2 KO) kásipqoi ringtegi ekinshi jeńisinen keiin Boxrec.com portalynda reitingin jaqsartty, dep habarlaidy "Ult aqparat" Sports.kz saityna silteme jasap.
Qońqabaev birinshi aýyr salmaq reitinginde 74-shi orynnan 51-ge kóterildi.
Keshe Qamshybek Ýkraina boksshysy Sergei Radchenkony (7-7, 2 KO) tórtinshi raýndta nokaýtqa jibergen bolatyn.
Eske sala keteiik, Qamshybek Qońqabaevtyń kásipqoi ringtegi alǵashqy jekpe-jegi biylǵy tamyz aiynda qazaqstandyq Isa Aqberbaevqa (20-2, 15 KO) qarsy ótken edi. Ol Isany nokaýtqa túsirip, jeńiske jetti.
Qońqabaevtyń áýesqoilar boksyndaǵy aiqastaryna kelsek, ol Qazaqstan quramasynyń kapitany bolyp, álem jáne Aziia chempionattarynda eki ret kúmis júlde alǵan.
