Kamila Qamnazarova «El arna» telearnasynyń direktory qyzmetine taǵaiyndaldy, dep habarlaidy "Ult aqparat".
Kamila Qamnazarova 2004 jyly «Habar» agenttigi» AQ-da óziniń eńbek jolyn «Caspionet» arnasynyń redaktory retinde bastady. Redaktor retinde ol televiziialyq jýrnaldar shyǵarýmen ainalysty. Arna redaktorynyń jumysymen qatar, K.A.Qamnazarova «7 kún», «Aimaqtar jáne kúsh/regiony i vlast» baǵdarlamalarynda tilshi jáne «Taǵdyr jelisi/Liniia sýdby» baǵdarlamasynyń stsenarii avtory bolyp jumys istedi.
2010 jyly ol «Caspionet» arnasynyń prodiýseri qyzmetine taǵaiyndaldy. Prodiýser retinde teledidar baǵdarlamalaryn jasaýmen ainalysty, sonymen qatar «Persona Grata», «Travel Guide», «Faces of History» jáne taǵy da basqa avtorlyq jobalaryn jasady. Sondai-aq, 2010 jyly ol Astanada ótken OBSE (EQYU) sammiti kezinde «Summit TV»-da «Caspionet» arnasyn qaita formattaýǵa belsendi qatysty.
2012 jyly arna úshin astanaǵa kóshý jáne rebrendingpen bailanysty mańyzdy kezeńde Kamila Qamnazarova jańa media ortalyqta kanal jumysyn beiimdeýge qatysty. 2014 jyly «Kazakh TV» telearnasynyń bas redaktory bolyp taǵaiyndaldy. Bul qyzmette ol teledidarlyq kontentti aýtsorsingterge aýystyrý protsesterimen ainalysty. Otandyq telearnalardyń ishinde «Kazakh TV» telearnasy alǵashqylardyń biri bolyp óziniń jeke kontentin osyndai modelde óndirýge tolyǵymen kóshti.
2017 jyldyń sáýir aiynda K. Qamnazarova «El arna» arnasynyń bas redaktory qyzmetine aýysyp, jańa arnanyń ashylýyna belsene at salysty jáne qazirgi ýaqytqa deiin arnanyń mazmuny men redaktsiialyq saiasatyn qalyptastyrý men júzege asyrýmen keledi.
