Aqtóbe oblysynda sot oblystyq máslihattyń burynǵy depýtaty Arkadii Nidi aqtady. Oǵan kámeletke tolmaǵan qyzdy zorlady degen aiyp taǵylǵan edi. Sot Nige jala jabylǵanyn anyqtady, dep habarlaidy Sputnik Qazaqstan.
30 qarashada ótken sot otyrysynda aqtaý úkimi shyǵaryldy, dep jazdy "Diapazon" basylymy qylmystyq ister jónindegi mamandandyrylǵan sotqa silteme jasap.
Sot saraptamasy jynystyq sipattaǵy qylmys jasalǵanyn dáleldeitin birde-bir obektivti aiǵaq tappaǵan. Arkadii Ni jalanyń qurbany boldy.
Sot anyqtaǵandai, qyzdyń anasy tanysy arqyly kásipkerge shyǵyp, aqsha alý úshin ony aýyr qylmys jasady dep aiyptaǵan. Buǵan qosa, áiel óz qyzyn depýtat ony zorlady, qysym kórsetti dep aitýǵa májbúrlegen. Sotta qyz ony eshkim zorlamaǵanyn málimdedi.
Osylaisha depýtat pen oǵan kómektesti dep aiyptalǵan áiel tolyǵymen aqtalyp shyqty.
Al qyzdyń anasy balasyn qylmysqa itermelep, jala japqany úshin alty jylǵa bas bostandyǵynan aiyryldy. Sottalýshynyń kishkentai balasy baryn eskerip, jaza tek bes jyldan keiin oryndalady.
Arkadii Nidiń isi
Arkadii Ni byltyr jeltoqsan aiynda ustaldy. Aiyptaý nusqasyna súiensek, ol kámeletke tolmaǵan qyzben jynystyq qatynasqa túsip, ony zorlap, seksýaldy sipattaǵy ózge de áreketter jasaǵan. Eks-depýtat ustalǵannan keiin Nur Otan partiiasynan shyǵaryldy.
Burynǵy depýtat jaily ne bilemiz?
"Qazaqstannyń 100 jańa esimi" saitynda Arkadii Ni 1961 jyly 25 naýryzda Frýnze qalasynda, qazirgi Bishkekte týdy dep kórsetilgen. 1966 jyldan beri Qazaqstanda turady. Oblystyq máslihat depýtaty retinde "ol óz okrýgynyń materialdyq bazasyn nyǵaitýǵa zor úles qosqany, ózine daýys bergen turmysy tómen otbasylar men ardagerlerge únemi materialdyq kómek kórsetkeni" aitylǵan.
Arkadii Nidiń iri "Rokos" kompaniiasy bar, sondai-aq ol tennis federatsiiasynyń filialyn basqarady. Aqtóbede Batys 2 shaǵyn aýdanynda tennis ortalyǵyn salǵan.
