Reseide qutqarýshylar Kamchatkada An-26 ushaǵynyń qulaýynan qaza bolǵandardyń denesin tapty, dep habarlaidy TASS agenttigi.
«Máiitter sýdan shyǵarylýda, dál qazirgi ýaqytta. Olardyń sany boiynsha jaǵdai ýaqyt saiyn ózgerip jatyr», - dedi aimaq basshysy Vladimir Solodov.
Solodov oqiǵa ornynda sot-meditsinalyq sarapshylar jumys istep jatqandyǵyn qosyp ótti. «Olar sheshimderdi protsedýralarǵa bailanysty qabyldaidy. Aýa raiy múmkindik týdyrsa, oqiǵa ornyna Petropavldan Tergeý komiteti tergeý basqarmasynyń sot-meditsinalyq saraptamasy ushyp shyǵady», - dedi Solodov.
Ólkeniń úkimettik komissiiasy apat bolǵan jerge Máskeý komissiiasy ókilderi Petropavl-Kamchatskiige kelgen kezde ushyp shyǵady. Múrdelerdi tasymaldaý boiynsha jumysty tolyq kólemde uiymdastyramyz: qajettilik týyndasa, múrdelerdi Petropavl nemese Palanaǵa jetkizý qolǵa alynady», - dedi Solodov.
Eske sala keteiik, 6 shildede Reseidiń Kamchatka óńirinde 28 adam mingen ushaq apatqa ushyrap, jolaýshylar túgel qaza tapty.
Qasym-Jomart Toqaev ushaq apatyna bailanysty Vladimir Pýtinge kóńil aitty.
