Grýziia eks-prezidentiniń advokaty Valerii Gelbahiani Saakashvili saiasattan ketip, ózi negizin qalaǵan "Birtutas ulttyq qozǵalys" partiiasynan shyǵýǵa nietti ekenin málimdedi, dep habarlaidy Ulysmedia.kz.
“Bul týraly birazdan beri oilap júrgen sekildi, biraq ony jariia etýge eshkim múmkindik bermedi, óitkeni qoǵam kútpegen jait bolǵan soń, bulai bolǵanyn eshkim qalamady. Al qazir eshkimge qatysty eshqandai shaǵymy joq ekenin málimdep otyr. Onyń saiasi resýrsy túgesildi, onyń kúntártibi men mindetteri de ózgerdi. Onyń qazirgi basty mindeti - densaýlyǵyna qaraý, yqtimal qaýiptiń, ólimniń tyrnaǵyna ilinbeý”, – deidi onyń advokaty.
Sonymen qatar ol Grýziianyń burynǵy basshysynyń saiasatqa múldem murshasy joq ekenin atap ótti, óitkeni bul arada Saakashvilidiń ómiri men densaýlyǵy týraly másele aldyńǵy qatarǵa shyǵyp otyr.
2013 jyly Grýziianyń eks-prezidentine qarsy tórt qylmystyq is qozǵaldy. Olardyń ekeýi boiynsha saiasatker syrttai úsh jáne alty jylǵa bas bostandyǵynan aiyryldy.
2007 jylǵy 7 qarashadaǵy oppozitsiia mitingisin taratý, "Imedi" grýzin telekompaniiasynyń keńsesin talqandaý jáne 9 mln lari (1 mlrd teńgeden astam) kólemindegi memlekettik qarajatyn talan-tarajǵa túsirý boiynsha ister qaralýda.
Ótken jyldyń 20 qazanynda Saakashvilige shekarany zańsyz kesip ótti degen aiyp taǵyldy, bul jaǵdaida ol bes jylǵa deiin bas bostandyǵynan aiyrylýy múmkin.
