Almatyda jaqynda tumaý men juqtyrylǵan respiratorly virýsty infektsiia (JRVI) aýrýlaryna qarsy vaktsinatsiia maýsymy bastaldy, dep habarlaidy "Ult aqparat".
Qalalyq Qoǵamdyq densaýlyq saqtaý basqarmasynyń basshysy Kamaljan Nadyrovtyń sózinshe, tumaý taraityn ýaqyt kelip qaldy. Sonymen qatar qazir koronavirýs indetiniń de tarap jatqanyn eskersek, vaktsina qabyldaýdyń mańyzy zor.
«Biyl biz tumaýǵa qarsy vaktsinaǵa qazir erekshe mańyz berip otyrmyz. Sebebi, pandemiia kezinde eki virýstyq infektsiianyń qosarlasý qaýpi bar. Almatylyqtarǵa osy máselege basa nazar aýdaryp, qaýiptiń aldyn alýǵa keńes beremin. Ákimdik alǵan vaktsina burynnan tiimdiligin kórsetip keledi. Ol qaýipsiz», - dedi Kamaljan Nadyrov.
Aita ketý kerek, biyl jergilikti biýdjet qarjysyna 3 valentti tumaýǵa qarsy vaktsina satylyp alyndy.
«Grippol Pliýs» vaktsinasynyń 130 myń dozasy alyndy. Qazanda koronavirýs qaýpine bailanysty 300 myń doza jetkiziledi.
Biyl Almatyda tumaýǵa qarsy vaktsinatsiia jyldaǵydan erte bastalyp, jeltoqsan aiynyń basyna deiin jalǵasady.
