الماتىدا جاقىندا تۇماۋ مەن جۇقتىرىلعان رەسپيراتورلى ۆيرۋستى ينفەكتسييا (جرۆي) اۋرۋلارىنا قارسى ۆاكتسيناتسييا ماۋسىمى باستالدى, دەپ حابارلايدى "ۇلت اقپارات".
قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆتىڭ سٶزٸنشە, تۇماۋ تارايتىن ۋاقىت كەلٸپ قالدى. سونىمەن قاتار قازٸر كوروناۆيرۋس ٸندەتٸنٸڭ دە تاراپ جاتقانىن ەسكەرسەك, ۆاكتسينا قابىلداۋدىڭ ماڭىزى زور.
«بيىل بٸز تۇماۋعا قارسى ۆاكتسيناعا قازٸر ەرەكشە ماڭىز بەرٸپ وتىرمىز. سەبەبٸ, پاندەمييا كەزٸندە ەكٸ ۆيرۋستىق ينفەكتسييانىڭ قوسارلاسۋ قاۋپٸ بار. الماتىلىقتارعا وسى مەسەلەگە باسا نازار اۋدارىپ, قاۋٸپتٸڭ الدىن الۋعا كەڭەس بەرەمٸن. ەكٸمدٸك العان ۆاكتسينا بۇرىننان تيٸمدٸلٸگٸن كٶرسەتٸپ كەلەدٸ. ول قاۋٸپسٸز», - دەدٸ كامالجان نادىروۆ.
ايتا كەتۋ كەرەك, بيىل جەرگٸلٸكتٸ بيۋدجەت قارجىسىنا 3 ۆالەنتتٸ تۇماۋعا قارسى ۆاكتسينا ساتىلىپ الىندى.
«گريپپول پليۋس» ۆاكتسيناسىنىڭ 130 مىڭ دوزاسى الىندى. قازاندا كوروناۆيرۋس قاۋپٸنە بايلانىستى 300 مىڭ دوزا جەتكٸزٸلەدٸ.
بيىل الماتىدا تۇماۋعا قارسى ۆاكتسيناتسييا جىلداعىدان ەرتە باستالىپ, جەلتوقسان ايىنىڭ باسىنا دەيٸن جالعاسادى.
