QR Bilim jáne ǵylym ministri Erlan Saǵadiev kundelik.kz portalyna hakerlik shabýyl týraly pikir bildirdi, dep habarlaidy QazAqparat tilshisi.
«Ulttyq aqparattyq tehnologiialarǵa shabýyl jasaldy jáne sáikesinshe elektrondy kúndelikke zaqym keldi. Shabýyl birneshe kúnge jalǵasqan. Istiń mán-jaiyn tolyq bilmeimin. «Kúndelik» júiesi «UAT» AQ qarasty, sonyń ishinde ornalasqan», - dep jaýap berdi ministr Úkimet úiinde jýrnalister suraǵyna.
Onyń aitýynsha, shabýyl saldarynan kundelik.kz qana zardap shekken joq.
«Elektrondy úkimettiń birneshe qyzmeti istemei qaldy, biraq bul barlyǵy qirady degen sóz emes. Sol sátte ýaqytsha isten shyqqan bolýy múmkin. Men bul salanyń mamany emespin, biraq qajetti qorǵaýshy baǵdarlamalardy ornatsa, barlyǵy óz ornyna keledi», - dedi Saǵadiev.
Buǵan deiin birqatar BAQ kundelik.kz portalyna hakerlik shabýyl jasalǵanyn habarlaǵan edi. QR BǴM ókilderiniń túsindirýinshe, shabýyl 4 qazan kúni bolǵan.
