Kaliforniia shtatyna qaraityn Santa-Krýs aralynyń soltústik jaǵalaýynda Conception serýendeý kemesi sýǵa batqan jerden taǵy tórt adamnyń denesi tabyldy. Bul týraly dúisenbi kúni CNN telekompaniiasy Santa-Barbara okrýgi politsiiasynyń basshysy Bill Braýnǵa silteme jasap habarlady.
Qazirgi ýaqytta segiz adamnyń máiiti tabylǵan.
Budan buryn AQSh Jaǵalaý kúzeti tórt adamnyń – eki er adamnyń jáne eki áieldiń denesi tabylǵanyn málimdegen bolatyn.
Amerikalyq BAQ ondaǵan adamnyń opat bolǵany jaily habarlaýda.
Bortynda 34 jolaýshy jáne 5 ekipaj múshesi bolǵan keme Santa-Krýs aralynan nebári 20 metrdei jerde órtenip, sýǵa batyp ketken. Joǵary palýbada bolǵan ekipajdyń bes múshesi sýǵa sekirip úlgergen. Olardy sol mańda ótip bara jatqan ózge keme shyǵaryp alǵan. Al 34 jolaýshy palýbanyń astynda ornalasqan kórinedi.
