Kaliforniia politsiiasy sońǵy aida osy shtattyń ońtústik bóligindegi joǵary jyldamdyqty birneshe trassalarda júzdegen avtokólikti, boljam boiynsha pnevmatikalyq karýmen atqylaǵan bir nemese birneshe qaskúnemdi izdestirýde. Bul týraly CNN telearnasy habarlady.
Jergilikti jol politsiiasynyń qyzmetkeri Djei Sanchestiń aitýynsha, osy oqiǵalardyń saldarynan Los-Andjeles, Orindj jáne Riversaid okrýgterinde bir adam kishigirim jaraqat alyp, birneshe avtokólik qatty zaqymdanǵan, sebebi aldyńǵy áineksiz qalǵan. Kezekshi politsei ázirge qurbandardyń bolmaýynyń sáttilik ekenin atap ótti. Kúre joldar joǵary jyldamdyqty bolǵandyqtan, áinek pen dóńgelektiń zaqymdanýy jol-kólik oqiǵasyna ulasýy múmkin.
Atys túrli aýdandarda, túrli ýaqytta bolǵandyqtan, qaskóilerdi izdestirý qiynǵa soǵýda, deidi politsiia. Sol sebepti quqyq qorǵaýshylar ázirge tipti atys bolǵan aýmaqtardy da anyqtai almai otyr.
