Foto: facebook.com/KazEmbassyUkr
Qazaqstannyń Ýkrainadaǵy elshisi Darhan Qaletaev qyzmetinen áli ketpegenin málimdedi, dep habarlaidy Sputnik Qazaqstan.
Buǵan deiin kásipker Danat Jýmin áleýmettik jelidegi paraqshasynda Ýkrainada elshi Darhan Qaletaevpen kezdeskenin jazdy. Elshi ony "diplomatiialyq missiiasynyń aiaqtalýyna arnalǵan sharaǵa" shaqyrdy. Jýmin elshilikte túsken fotosyn da jariialady.
"Kievke kelgen boida elshilikke bardym. Sóitse, týra sol kúni bizdiń Ýkrainadaǵy elshimiz Darhan Qaletva óziniń diplomatiialyq missiiasyn aiaqtady", - dep jazdy Jýmin.
Biraq Darhan Qaletaevtyń ózi elshi qyzmetin aiaqtaǵanyn rastaǵan joq.
"Asyqpańyz, men áli elshimin", - dedi ol buqaralyq aqparat quraldaryna bergen suhbatynda.
Al Syrtqy ister ministrligi elshiler tek Prezident Jarlyǵymen ǵana qyzmetinen bosatylatynyn eske saldy.
Qaletaev týraly ne bilemiz?
Darhan Qaletaev 1972 jyly Shyǵys Qazaqstan oblysynda dúniege kelgen.
Shyǵys Qazaqstan memlekettik ýniversitetin, Memlekettik basqarý ulttyq joǵary mektebin támamdaǵan.
Eńbek jolyn 1995 jyly bastaǵan. Qazaqstan Prezidenti Ákimshiliginiń, Bilim jáne mádeniet, Aqparat jáne qoǵamdyq kelisim ministrlikteriniń qurylymynda jumys istegen.
• 2007–2008 jyldary — Prezident ákimshiligi basshysynyń orynbasary;
• 2008–2009 jyldary — "Nur Otan" partiiasy tóraǵasynyń birinshi orynbasary;
• 2009–2016 jyldary – "Samuryq-Qazyna" ulttyq ál-aýqat qory" AQ basqarýshy direktory;
• 2016 jyldyń qazan aiynda Parlament Senatynyń depýtaty boldy.
2018 jyldyń sáýirinen 2019 jyldyń aqpanyna deiin Qoǵamdyq damý ministri qyzmetin atqardy. Odan keiin Premer-ministr keńsesiniń basshysy bolyp taǵaiyndaldy. Bir jyldyń ishinde Prezident Ákimshiligi jetekshisiniń orynbasary jáne Qazaqstannyń Moldovadaǵy elshisi qyzmetin atqardy. Al 2020 jyly Ýkrainaǵa elshi bolyp bardy.
