Almatyǵa jaqynda qosylǵan eldimekemenderdiń turǵyndary elektr energiiasyna shamadan tys qymbat aqsha tólep keledi. Olardyń máselesi jaqyn arada sheshiletin boldy.
Bul týraly Almatyda ótken brifing barysynda qalalyq Energetikalyq tiimdilik pen infraqurylymdyq damý basqarmasynyń basshysy Áset Masabaev aitty, dep habarlaidy "Ult aqparat".
Onyń aitýynsha, qala ákimi Baqytjan Saǵyntaevtyń tapsyrmasymen jańadan qosylǵan eldimekenderdi elektr qýatymen sapaly qamtamasyz etý qolǵa alynǵan. «Táýelsizdik alǵaly beri 30 jyl aralyǵynda saiajai turǵyndary óz kúshimen elektr jelilerin júrgizip, transformator qoiǵan. Biraq qazir onyń barlyǵy eskirdi. Transformatorlar jekelegen mekemeler men kásipkerlerdiń atynda bolǵan. Tarifter ártúrli boldy. Osy máseleni sheshýdi Baqytjan Saǵyntaev tapsyrǵan bolatyn. Aldyńǵy jyly «Alataý Jaryq Kompaniiasy» AQ birlese otyryp, 544 mekenjai boiynsha elektr jelisin kommýnaldyq menshikke qabyldadyq. Onyń ishinde 164 transformator, 756 elektr jelisi bar», - dedi ol.
Basqarma basshysy jeke derbes shot ashýdyń tártibin de túsindirip ketti.
«Biraq azamattarymyzǵa túsinikti bolýy úshin kelesi sharttardy oryndaý kerek. Derbes esepshot ashý úshin tehnikalyq shart alýǵa tiispiz. Tehnikalyq shart alý úshin ár tutynýshyda óz esepteý quraldary, úidiń janyndaǵy baǵandaǵy elektr jelilerin (3 metr 10 metr arasynda) aýystyrý jańartý talaptary bolady. «Almaty jaryq kompnaiiasy» AQ baǵynatyn 7 aýdanda 7 mekeme bar. «AJK» AQ resmi saitynda barlyq málimet tur. Solardyń mekenjaiyna habarlasa otyryp, aryz jazyp, 5 kúnnen soń tehnikalyq shart alasyzdar. Ony oryndaǵan soń «AJK» AQ barlyq qujatty «Almaty EnergoSbyt» AQ aýdaryp, jeke shot ashady. Sodan soń saiajai turǵyndary da elektr energiiasyn 17 teńgelik tarifpen tólei bastaidy», - dedi ol.
